Iran sipai thupuangtu, Brigadier- General Abolfazl Shekarchi missile an test chhunzawm zel tur thu leh US-in nuclear phur thei missile a enchhin nia a sawi chu thu dik lo a nih thu a sawi.

Shekarchi chuan an ram venhimna atan missile enchhin chu a \ul thu leh siam chhuah leh enchhin chu an tawp loh tur thu a sawi a, hei hi nuclear ralthuam chungchanga an inremna pawn lam a nih bakah hemi atan hian ram dang phalna an lak a \ul loh thu a sawi bawk a ni. Hemi hma lawk hian US National Security Adviser John Bolton chuan Iran hian Israel leh Europe kap phak missile a enchhin thu leh an chet dan chu pawm zam theih a nih loh thu a lo sawi tawh a, Iran Forein Ministry thupuangtu, Bahram Qasemi pawhin missile an enchhin chu an ram venhimna chungchang thil a nih avangin ram dang emaw UN Security Council emaw an inrawlh theih loh thu a sawi bawk a ni.