Iraq-a US sipaite inkulhna, thlawhna \umhmun pahnih chu Missile \hahnem tak hmanga beih a ni tih US Department of Defence in a sawi.

0
416
views

Iran state television chuan missile hmanga beihna hi an ram sipai hotu Qasem Soleimani thah a nih vanga phuba lakna a ni tih a puang a, US sipai hmunpui pentagon chuan missile hmanga beih tawk hi Irbil leh Al Asad-a US sipaite inkulhna hmun a ni tih a sawi a, thi leh hliam an awm leh awm loh a la chiang lo a ni.

White House thupuangtu Stephanie Grisham chuan he thil thleng hi President pawh hriattir a ni tawh tih sawiin, thil awmdan chik taka vil mek a ni a ti.

Iran Revolutionary Guard chuan missile hmanga beihna hi US laka phuba lakna a ni tih an sawi a, America inkhuarna hmun siamsaktu, America thawhpuitu ram te chu beih an ni zel dawn a ni an ti.

Iraq sipaite chuan an ram chhunga US sipaite inkhuarna hmun pahnih hi missile 22-a kah a ni tih an sawi a, Iran state television chuan America mifirfiak 80 aia tlem lo missile hmanga beihnaah hian an thi niin a sawi a, Iran chuan beih hmabak target 100 chuang a la nei niin a puang bawk.

Iran Foreign Minister Javad Zarif chuan missile hmanga beihna hi Iran-in mahni inven nana a hmalakna a ni tih a sawi a, indo chawh chhuah tumna a ni lo a ti thung.

Tun thla ni 3-a Iran sipai general Soleimani-a Iraq khawpui Baghdad-a US Presidnet Trump-a thupeka thah a nih hnuah Iran leh US te inkar boruak hi a \ang chho hle a, Iran chuan na taka phuba lak a nih tur thu a lo sawi tawh a, US President Donald Trump-a pawhin Iran-in a bei a nih chuan na taka chhanlet a nih tur thu a lo sawi tawh bawk.