IRGC ten nuclear pai thei missile siam chhunzawm tum

0
604
views

Iran sipai chhuanvawr, Islamic Revolutionary Guard Corps chuan US leh Europe ramte’n dodal mah se, missile an siam chhunzawm zel dawn tih an sawi. Puan tawh angin kar hmasa Zirtawpni khan US President, Donald Trump chuan kum 2015-a nuclear sawngbawl chungchanga Iran nena inremna an lo neih tawh chu khauh zawka siam \hat a nih loh chuan tihtawpah a lo vau tawh a, hei hi IRGC chuan na taka chhangin, Trump hi an ram laka a hel nasat poh leh an missile siam program hi an uar ve zel tur thu an sawi a, nuclear ralthuam pai thei missile siam chhuak lo tur hian an inrem tel loh thu leh, hemi kawng hi zawh tumna an neih loh thu an sawi bawk a ni. Iran hi Middle East ramte zinga missile program nei \ha berte zinga mi a ni a, Gulf biala Arab ramte leh US leh Israel chuan a missile program hi khap tumin an lo bei fo tawh \hin a ni. Hemi chungchangah hian Russia Deputy Foreign Minister, Sergei Ryakov chuan kum 2015-a inremna an lo neih tawh chu \ha tawka an hriat thu leh vawn nun zel an duh thu a sawi a ni.