Irrigation & Water Resources Department Office Building thar CM-in hawng

0
393
views

New Secretariat Complex-a cheng nuai 754.22 senga sak, Irrigation & Water Resources Department Office Building thar chu vawiin khan CM, Pu Lal Thanhawla’n a hawng a. Buh leh bala Mizoram a intodelh theihna atana \an lak meknaah Minor Irrigation Department chu a pawimawh avangin Department lian zawka siam turin Irrigation & Water Resources Department tia thlak a ni tih a sawi. Mizoram chu state puitlinga hlan kai a nih a\angin kum 30 a nih tawh avangin mihring taka teh pawhin puitlin hun a ni tawh tih sawiin CM chuan, Department hrang hrang pawhin mipui rawng an bawlna kawngah puitling zia an chhuah a hun tawh tih a sawi a. Officer zingah an rawngbawlsak mipuite aia changtlung zawk, huan nei \ha zawk, thlai \iak nursery nei \ha zawk, sangha chi nursery nei \ha zawk, sangha dil nei \ha zawk, buh hmun leh thlai hmun nei \ha zawk an awm em tih an inenfiah a \ul a, an chawi kan tur, kut hnathawktute an la berh hle laia anmahni an lo invulh \hin a nih chuan inbih chiang se a duh thu leh, mirethei chan ai laksaktu chungah sorkar chu a thik thu a chhe hle tih a sawi.

Vawiina Irrigation & Water Resources Department Office Building hawnna inkhawm hi I&WR Secretary, Pu H. Lalengmawia’n a kaihruai a, State Planning Board Vice Chairman, Pu H. Liansailova, Pu K.S. Thanga, MLA, State Election Commissioner, Pi L.Tochhawng leh I&WR Chief Engineer, Pu Lalrotluanga’n thu an sawi a ni. I&WR Department Office Building hi kum 2010, December ni 10 khan sak \an a ni a, Mizopa chhiara chhawng 7 a sang, a chhawng zawng zawng belh khawma a building len zawng square Metre 3,490 a ni a, thawktute \hutna tur Room hrang hrang siam a nih bakah lirthei 14 hun theihna Garage siam a ni bawk.