Islamabad tlawha Pakistan Prime Minister thar Imran Khan nena inbe tur, US Secretary of State Mike Pompeo a’n Pakistan nena inlaichinna chu \an \hat leh theih a inbeisei thu a sawi.

0
495
views

 

Asia chhim lam tlawh tura a zin chhuah dawnin thlawhna chhungah he thu hi a sawi a, Pompeo chuan US palai hlui Zalmay Khalizad chu Afghanistan-a remna leh muanna a awm theihna tura hmahruaitu tura ruat a nih thu a sawi lang bawk.

Hemi hmalam hian US chuan Pakistan chu mifirfiakte laka chet la \ha tawk loa puhin, Pakistan sipaite \anpuina tura a lo puan tawh US Dollar maktaduai 300 chu a hnuklet tih a lo puang tawh a. US chuan Afghan Taliban leh Haqqani Network te thurualpuiah Pakistan hi a puh a, Afghanistan-a an chet theihna tura ramri vela hmun him siamsakah Pakistan chu a puh bawk.

Hetihlai hian Secretary of State Pompeo chuan Prime Minister atana Imran Khan thlantlin a ni ta chuan Pakistan leh US inlaichinna \ha zawk a thlen a beisei thu a sawi a ni.