Israel chhim lam hel pawl ten rocket hmanga an kah Israel in a chhanletnaah palestine mi 3 an thi.

0
574
views

 

Gaza Health Ministry thupuangtu chuan thi zingah hian nu naupai lai leh a fanu kum 1 mi pawh an tel tih a sawi a, Israel ten Jafarawi bial an beihnaah an thi a ni. Hamas hel pawl mi pakhat pawh hmar lamah a thi tih Health Ministry thupuangtu chuan a sawi bawk. Israel chanchinbu te chuan Gaza bul hnai Sderot khua leh a chhehvel hel pawlten rocket hmanga an beihna ah hian civil mi tam tak an hliam niin an sawi a, tuna inbeihna thleng leh ta hi UN leh Egypt ten Israel leh Hamas te inkahhai thuthlung daih rei zawk neih tir tuma \an an lak mek laia thleng leh a ni a, Islamic group te chuan Gaza hi an awp a ni. UN Middle East palai Nickolay Mladenov chuan inkahna thleng leh ta hi buaina lian zawk ti chhuaktu a ni palh ang tih a hlauhthawnawm hle tih a sawi. Israel Defence Forces IDF chuan hel pawl ten IDF lirthei pakhat Gaza-a an kah hnuah buaina hi a chhuak niin an sawi a, Israel hian tank leh rocket hmang te in an bei let a, Israel jet fighter te chuan ralthuam siamna hmun leh dah khawmna hmun pawimawh 140 vel an bei tih an sawi bawk.