Israel police-ten PM Benjamin Netanyahu thu zawtifiah

0
392
views

Israel Police ten Prime Minister Benjamin Netanyahu chu eiruk thubuaiah vawiin khan thu an zawtfiah a, hei hi police ten thu an zawhfiah vawi khatna a ni. Israel rama Telecommunication Company lian ber Bezeq hnen atanga thamna laa puh anihna thubuaiah leh eiruk thubuai dang pahnihah Police te hian Prime Minister hi thu an zawtfiah a, hei hi Benjamin Netanyahu politics kalkawnga thil pawi tak thlen thei tura ngaih a ni. Netanyahu hian amah puhna te hi thu dik lo a ni a ti ve thung. Bezeq company hian sorkar khuahkhirhna dan dinglai pela an chet theihna turin Netanyahu leh a nupuite chu an news website ah duhsak takin an chanchin tha lam an ziak nia sawi a ni a, Police lam chuan engmah an la sawi zui duh lo thung a, Israel Radio puan danin Netanyahu nupui Sara pawhin Tal Aviv Police Station ah Police te zawhna a chhang a ni. Bezeq Telecom neitu zinga mi Shaul Elovitch chu police te kutah a awm mek a, ani bakah hian Netanyahu-a thupuangtu hlui pawh police te hian an man tawh bawk a ni. Netanyahu hian kum 2009 atang khan Israel ah hian ro a rel tawh a, amah puhna te chu dawt thu nia sawiin, kum 2019 kum tawp lama inthlanpui lo awm turah pawh a term 5-na hman tumin a la chuh dawn tih a sawi.