Israel Prime Minister, Benjamin Netanyahu-a’n amah puhna zawng zawng phain, Israel Prime Minister a nihna a\anga inhnuhdawh a tum loh thu a sawi.

0
118
views

Netanyahu chuan eirua an puhna te, dik lo taka ram rorelnaa mite fuih phura puhna te, inbumna-a inhnamhnawiha puhna te leh mite rin a kai tawh lo nia sawi zawng zawngte chu thu dik lo a ni a ti. Netanyahu hian amah puhna te chu prime miniter office hnehlak tumtute thil tih a ni a ti a, amah an chhuina chhan chu sorkar lai nekchhuah tumna a ni a ti bawk.

Attorney General Avichai Mandelblit chuan Ningani khan Prime Minister Netanyahu laka thubuai ziahluh anih thu hi a puangchhuak a, rilru rip tak chunga thubuai hi siam a ni tih sawiin, thubuai ziahluh chu dan hnuaia behchhan \ha tak nei a ni a ti. Hetihlai hian Netanyahu chuan an puhna thubuai chhuitute chuan dikna behchhana thil chhui lovin amah paihthlakna tur ngawr ngawr zawngin an thil chhui an kalpui niin a sawi a, Police leh roreltute chu \an lam neia thil tiah a puh bawk.