Israel sorkar dinglai chu tluk mai hlahthawnawm dinhmuna a din hnuah harsatna a paltlang leh ta.

0
447
views

 

Jewish Home Party hruaitu Naftali Bennett chuan sorkar a thlawpna hnuhdawh mai a tum thu a sawi hnuah, sorkar thlawp zui zel a tum thu a puang chiang leh ta a, Prime Minister Benjamin Netanyahu chuan hapta liamta chhung khan \angrual sorkarin harsatna a paltlang theihna turin minister te a berawn kual nasa hle a ni.

Gaza-a hel pawlte lakah Israel in inkahhai a puan avanga Defence Minister dinglai a inhnuhdawh avangin Israel sorkar buaina hi a in\an a, Bennett-a hian Defence Minister thar atana amah ruat anih loh chuan sorkar a thlawpna hnuhdawh a tum thu a sawi a, Defence Minister hna hi Netanyahu chuan a chelh zui rih a ni.

Defence Minister Avigdor Lieberman a inhnuhdawh rual hian a party Yisrael Beitenu member dangte pawhin sorkar an thlawpna an titawp nghal a, Netanyahu-a sorkar chuan member 120 awmna Parliament ah seat khat chiahin tam zawk nihna Majority a nei a ni.