Italy inthlanna, naktuka neih tur atan party lian te chuan campaign an khar fel ta a, party lian zual, Democratic party, Five Star Movement leh a dangte pawhin chak ngei an inrin thu an sawi. Italy rama inthlanpui neih turah hian ram chhunga pemlutte chungchang leh thalaite tana hnathawh tur siamsak chungchang chu campaign auhla ber a ni a, campaign boruak a tang hle. Party tam takin intiamkamna lian ang reng tak tak an auchhuahpui a, heng zingah hian pension hlawh tihpun chu a langsar pawl a ni a, hapta hnih liamta atang khan Oppinion Poll neih khap ni tawh mahse, Five Star Movement chu che tha ber tura ngaih an ni. Five Star Movement hruaitute hian inremchemna lama hmalakna chu an thlawp lo a, euro thlakna tur dap an tum thu an sawi a, mi zawng zawng sentut danna lak tir vekna tur dan siam pawh an thlawp lo bawk. Prime Minister Matteo Renzi a inhnuhdawh hnuah kum 216 December thla atang tawh khan Italy sorkar hi caretaker cabinet in a lo enkawl tawh a ni.
Chanchin Thar Itally inthlanna atana campaign khar fel
