Jammu and Kashmir dinhmun sorkar laipuiin a tih danglam vanga lungawi lo hmeichhe tam takin Strinagar-ah lungawi lohna an lantir a, Chief Minister hlui Farooq Abdullah fanu leh a farnu te tiamin hmeichhe \hahnem tak man an ni.

0
12
views

Farooq Abdullah-a farnu hi Suraiya Abdullah a ni a, a fanu hi Safia Abdullah Khan a ni. Jammu and Kashmir Chief Justice hlui Bashir Ahmed Khan-a fanu Hawa Bashir pawh man zingah hian a tel a, lungawi lohna lantirtute zingah hian hmeichhiate zinga hruaitu langsar leh zirna lama mithiam tak tak te pawh an tel a ni. Suraiya Abdullah-i chuan August ni 5-a Jammu and Kashmir dinhmun tih danglam chu duh lo chunga pasal in neih luihtir ang a ni a ti. Hmeichhiate hian thuziak chi hrang hrangte kengin Srinagar Lal Chawk bul, Pratap Park ah lungawi lohna an lantir a, an punkhawm a\anga rei lote ah police te chuan an hruaitute hi manin, police station ah an hreng nghal a ni.

Kashmir ah hian Postpaid mobile service te tih nun \an a ni a, ni 72 chhung chu phone bakah internet zawng zawng tih tawp vek a lo ni tawh a ni.

Political party hruaitu tam tak, Chief Minister hlui Farooq Abdullah leh a fapa Omar Abdullah te bakah Mehbooba Mufti te chu August thla a\ang khan pawn chhuak thei loa hren an ni a, kum 83 mi, Farooq Abdullah hi Srinagar-a a chenna in ah Public Safety Act tlawh chhana hren a ni a, he dan hmang hian court-a an thubuai ngaihtuah lovin mi tu pawh sorkarin thla 6 chhung a hreng thei a ni.