Jammu and Kashmir Kathua-a hmeichhe naupang rawng taka pawngsuala that zuituten an phu tawk hremna an hmuh ngei theihna tura beitu Talib Hussain-a chu Police ten an sawisa nia sawi a ni a, Supreme Court chuan Jammu and Kashmir sorkar chu thil awmdan sawifiah turin a ti.

Talib Hussain-a laichin pakhatin Supreme Court ah hian lungawi lohna hi a thlen a, Jammu and Kashmir Police te chuan Talib Hussain hian mahni intihhlum a tum niin an sawi ve thung. Talib Hussain-a hi hapta liamta khan a nupui hlui laichin pakhatin amah pawngsualah puhin Police te chuan an man a, hemi hmalam pawh hian a nupui hlui hian an in neih laiin kut a thlak \hin niin a lo sawi tawh bawk. Talib Hussain hian dawt hmanga amah thubuai siamsak tumna nia sawiin, Jammu and Kashmir High Court ah hma laksak tura ngenna a thlen a, Court chuan Talib Hussain-a hi man lo tura thupek a ti chhuak chungin Samba Police te chuan July ni 31 khan an man a, a chungchang thu hian inhnialna a ti tam hle a ni.