Sipai te hian an thudawn bawhzuiin mifirfiakte tawmna hmun nia an hriat hi an dap a, mifirfiakte hian an lo kah tak avangin sipaite hian an kap let ve nghal a ni. Inkahnaah hian sipai Major, Ketan Sharma chu kahhlum a ni a., sipai 3 an hliam bawk. Defence Minister, Rajnath Singh leh Army Chief General, Bipin Rawat ten he inkahnaa thi Major Ketan Sharma hi zahna chibai an buk dawn a ni.
Hemi hmalam hian Pulwama-ah Sipai motor pakhat chu bomb hmanga beih a ni bawk a, helai hmun hi February thlaa Central Reserve Police Force-te thihchilh bomb hmanga mifirfiak pawl JeM ten an lo beih tawhna hmun kha a ni a, hetah hian sipai 6 leh khaw chhung mi 2 ten hliam an tuar a ni.
