January ni 30, Mahatma Gandi thih champha-a, Uttar Pradesh, Aligarh-a Gandhi lim kaptu, Hindu Mahasabha hotulu Pooja Shakun Pandey chu ni engemaw zat chin hriat loa a tlanbo hnuah man a ni.

0
193
views

Gandhi kaphlumtu Nathuram Godse tel \hinna pawl, Hindu Mahasabha te hian Gandhi thih champha khan Aligarh-ah hian puipunna an huaihawt a, Godse-a lim hi pangpar \hi awrhtirin, eitur thlum te an sem a, hetah hian kum 71 kaltaa Godse-a’n Gandhi a kahhlum hriatreng nan, Gandhi lim hi Pooja Shakun Pandey hian a kap a, hetianga tih hi kum dangah pawh an lo tum tawh \hin tih a sawi.

Pandey-a’n Gandhi lim a kaplai video chuan mipui a ti thinur hle a, Uttar Pradesh police te chuan he thila inhnamhnawih mi 12 te chu thubuai an siamsak nghal a, nimin khan Pooja Shakun Pandey leh a pasal Ashok Pandey te chu an man a, kar hmasa khan mi 3 an lo man tawh bawk a ni.

Hindu Mahasabha hi kum 1915 khan Madan Mohan Malaviya-a’n a din a, Nathuram Godse chawimawina’n Mahatma Gandhi thih ni hi “Shaurya Divas” huaisenna ni-ah an puang a, kum 2015 khan an hruaitulu Swami Pranavananda chuan Nathuram Godse hi ram hmangaihtu-ah a ngaih thu sawiin, Karnataka-a district 6-a a lim din an tum thu a lo sawi a ni.