Thlipui tleh vang hian chenna in 24,000 chuangah eng pek theih a ni lo va, chenna in 1,38,000-in tui thianghlim intur an tlachham bawk a ni. National Broadcaster tarlan danin mi 66 thi te bakah mi 15 chin hriat lohin an awm a, mi 200 vel hliam na tak tuar an awm bawk.
Tokyo hmar Fukushima khua-in thlipui hi a tuar na ber a, Fukushima-a thlai chinna hmun sira luang Abukuma lui lianin hmun tam tak a chim a, helai hmuna cheng mi 25 velin nunna chanin, nunna chan zinga mi pahnih te ruang hmuh a ni tawh a ni.
Japan Prime Minister, Shinzo Abe chuan sorkarin chhiatna tuartu mipuiten nunphung pangngai an zawh leh vat theih nan sorkarin hma a la dawn tih a sawi a, Finance Minister, Taro Aso chuan US dollar tluklehdingawn 4.6 chu khuarel chhiatna tuartute tundin leh nan dah a nih thu leh a aia tam mamawhna a awm chuan a ngaihtuah belh anh tur thu a sawi a ni.
