Trump-a hian ram pahnihte sumdawnna kawngah an thawh dun a ngai dawn tih sawiin, inremsiamna lian tham tak puanzar tur a awm dawn a ni a ti. Trump hian China telecom company Huawei chungchang Modi hi a sawipui bawk. Modi chuan India leh US inlaichinnaah hmathlir thui tak a nei tih a sawi a, he inlaichinna hi India ram tan hmasawnna rahbi pawimawh tak a nih a beisei tih a sawi.
India leh US-in sumdawnnaa hun harsa an tawh lai a nih vangin an harsatna insutkianpui tawn nan ram pahnih hruaitute hian inlaichinna \ha zawk neih an remti a, hemi bakah hian ram pahniha Trade Minister ve ve te chu a rang lama inhmu a, an harsatna sutkian dan tur ngaihtuah turin an ti bawk a ni. Hemi hmalam hian India-in US thil siam chhuah hrang hrang 28 a\anga chhiah lak a tum chu Trump hian pawm lovin hnuklet leh turin a lo ngen tawh a ni.
Hetihlai hian ram dangte aiin India chuan chhiah a la tlem tih sorkar thupuangtu chuan a sawi a. Commerce & Industry Minister, Piyush Goyal pawhin sorkarin ramchhung sumdawnnaah uchuak taka hlawkna tel a tum lo tih a sawi bawk.
Prime Minister Modi hian South Korea President Moon Jae-in leh, Saudi Arabia lal fapa Salman bin Abdulaziz Al Saud te pawh a kawm a ni.
