Puan tawh angin Japan hmar lamah nimin khan magnitude 6.6-a na in lir a nghing a, lirnghinna bul Atsuma khua hmun \henkhat chu leiminin a hnawl zui a, chhanchhuah hna thawktute chuan mi 22 vel chin hriat loh an la awm thu leh chirh a tam avangin duh anga hna an thawh chak theih loh thu leh tun dinhmunah chuan damchhuak hmuh pawh an beisei sang lutuk tawh lo tih an sawi a ni. Atsuma awmna Hokkaido thliarkar-ah hian mi mtd 1.6 vel an cheng a, lirnghing hian thil a tihchhiat nasat avangin Hokkaido hian kawlphetha pawh a la lut thei rih lo a ni. Japan PM Shinzo Abe chuan lirnghing vang hian Cabinet meeting a ko nghal a, Hokkaido-a chengte eng telloa an khawsak rih avang leh thlaphang taka an awm avangin thupha chawi tur leh an dinhmun hriatthiam pui turin a ti a ni.
