Japan ramah coronavirus kai zat mi 1000 an chuang tawh a, heihlai hian July thla-a Tokyo Summer Olympic neih tura inbuatsaihna chu a pangngaia chhunzawm zel a ni.

0
385
views

Japan-a coronavirus kai hmuh chhuah thar ber hi kum 40 mi vel a ni a, Japan ah hian mi sang chuangin an kai ta a, chung zinga 706 te chu Diamond Princes lawng liana chuangte kha an ni a, mi 12 in an thihpui tawh a ni.

Coronavirus vanga harsatna an ramin tawk mek mahse Olympic thleng tura an inbuatsaihna chu a pangngaia chhunzawm zel a ni tih Japan sorkar chuan a sawi a, International Olympic Committee nen inberawn reng chungin chak takin hma an la chhunzawm zel tih Chief Cabinet Secretary Yoshihide Suga chuan a sawi.

Tun a\anga thla 5 ral hmain Olympic hi \an tur a ni tawh a, coronavirus leng vanga buaina karah International Olympic Committee hotu Thomas Bach chuan Olympic chu a huna neih tum a nih thu sawiin, infiammite pawh theihtawp chhuaha inbuatsaih zel turin a chah a ni.

Hetihlai hian Olympic hi a hunah neih theih a ni ang em tih erawh zawhna lian tak a ni a, Japan Prime Minister Shinzo Abe chuan zirna in te chu tun thla chhung khar rih tur leh company te pawh a theih chin chinah an hnathawktute an in lam a\anga an thawh theih dan tur dap turin a ti a, infiamna lam chi te pawh engmah ti rih lo turin a hrilh a ni.

Olympic thlenna hmun tur Tokyo ah chuan coronavirus kai hi 40 hmuh chhuah an ni tawh a ni.