Japan ramin a hmingthanpui pakhat, Tlaizawng, an \awnga sakura an tih chu kum dang ang lo takin kumin hian a par hma thut a, kum dangah chuan nipui thaw \an tira par \hin a ni.

Tlaizang par sen leh var inpawlh hi Japan ramin a hmingthanpui pakhat a ni a, a par zual vanglai, nipui thawt tirhah khualzin tam takin Japan ram an pan phah \hin a, kuminah erawh tunah hian a par \an der tawh a, mi 300 chuangin an in bul hnaia Tlaizawng te chuan par a chhuah der tawh tih an sawi.

Mithiamte chuan tlaizawng par hun insawn hma thut chhan hi tunhnaia thlipuiin Japan ram a nuai fo vang a ni thei tih an sawi a, thliin a hnah a len \ilh nasat avangin par a chhuah hma phah nia an ngaih thu an sawi. Flower Association of Japan-a Tree Doctor Hiroyuki Wada chuan tunhma lamah pawh Tlaizawng par hma bik \um chu lo awm tawh \hin mahse, kumin ang reng renga tam thama a par hma kum erawh a la hriat ngai loh thu a sawi.