JNU thuchhuah chuan tlakchham an neih chhan lian ber chu electric bill leh tui bill tam lutuk vang te, contract-a hnathawkte hlawh a san lutuk vangte a ni a ti a. JNU hian contract-a hnathawk mi 450 chuang a nei mek a ni.
UGC-in hlawh tur atana budget a dah a\angin hostel-a contract hnathawkte hlawh pek a remti lova, thildanga sum a hman ral zawng zawng chu University-in receipt a pek chhuah nen a inmil tur a ni tih a ni a. Hetiang a nih vang hian zirlaite a\anga service charge lak mai loh chu tih theih dang a awm lo niin JNU thuchhuah chuan a tarlang bawk.
Hostel fee chu ennawn a nih hnuah thla tin zirlai pakhatin Rs. 4500/- chawi tura tih a ni a, heta \anga Rs.2,300/- chu thla tina an ei leh in man tur niin, a la bang Rs. 2,200 chu BPL category-a zirlaite chhawmdawl nana dah tum a ni a, BPL category-a zirlaite chuan heti hian thla tin fee zaa 50 chauh an pek a ngai dawn a ni.
