Delhi Police te chuan JNU Students’ Union hruaitu Aishe Ghosh leh midang 19 te lakah thubuai an ziaklut a, heng mite hi University Server Room suasamah leh security guard te kutthlaka puh an ni. FIR hi zan dar 8.43 vel, Ghosh-i leh JNU zirlai dangte hmaituam rualin kut an thlak lai vela ziah luh a ni a, Ghosh-i hi buaina chawk chhuaka puh a ni.
Pathianni-a FIR pathumna ziah luh chu JNU cumpus chhunga mi 34-in hliam an tawrhna, tharum thawhna thleng chungchangah a ni a, hetah hian Aishe Ghosh-i pawh hliam tuar zingah hian a tel a ni.
University thuneitute chuan zirlai \henkhatin University Server Room hi an ti chhia tih an sawi a, thawktuten Pathianni khan an siam \ha a, a hnu chawhnu dar 1 velah mi tu tih hriat loh ten an ti chhe nawn leh a ni an ti a, a hnu tlai dar 4 ah siam\hat leh a ni an ti.
JNU Students Union erawh chuan University thuneitute chu security guard te hmai tuamtira server room ti chhiaah an puh let ve thung. JNU thuneitute chuan server room tih chhiat leh university hostel fee tih san chungchanga zirlaite nena inhmuh thiam lohna chu thil inzawm vek a ni an ti am Pathianni zana tharum thawhna thleng pawh hemi nena inkaihhnawih hi a ni an ti.
