Jayalalithaa thih cham pualin AIADMK-ten kawng zawh

0
599
views

Vawiin hi Tamil Nadu CM hlui, Pi J Jayalalithaa thih champha, a kum khat tlinna a ni a, a pualin state CM, E Palaniswami leh Deputy CM, O Panneerselvam leh AIADMK mi 50,000 velin Anna Salai kawtthler a\angin Jayalalithaa thlan thleng ngawi rengin kawng an zawh a, hemi hnua inkhawm buatsaihah Panneerselvam chuan Jayalalithaa-i thil ruahman leh hnathawhte chhunzawm zel turin an party mi pawimawh hrang hrangte nen thu an tiam a ni. Pi Jayalalithaa hi Tamil Nadu hmasawnna leh sum dinhmun khai dingtua ngaih a ni a, CM pawh \um li a ni tawh a, kum 2014 khan a hnathawh leh a sum dinhmun inmil loa puh a nih avangin chhui a ni a, a chenna in an dapna-ah police te chuan sari 10,500, pheikhawk bun 750 leh kg 1.5-a rit rangkachak kawnghren, lunghlu-a chei-te an man a ni. Pi Jayalalithaa khan CM hna a thawh hlawh hi cheng khat chauh a la \hin a, a thubuai avang hian ban lailawk a ni zet a, a hnuah CM-ah hlan kai leh a ni a, nikum December ni 5-a a thih thleng khan CM a ni. Pi Jayalithaa thih hnu khan O Panneerselvam chu CM atan ruat a ni zui a, a tha chhang dawltu, VK Sasikala-in an party thuneihna a chan hnuah, CM a\ang hian a bang zui a, nasa taka an inbeih zui avangin, AIADMK party pawh a phel hial a, Sasikala-i thlawptu, Palaniswami chu CM-ah ruat a nih hnuah, pawl pahnih hi inzawm khawm leh tumin an inbia a, an inremna-a an phut angin Palaniswami hian Sasikala a thlawpna a sut bakah, Pi Jayalalithaa damloh chhoh dante leh damdawiina enkawl a nih dan te sorkar-in a chhui chiantir mek a ni.