Israel-in an khawpui atana Jerusalem a puan, US-in a thlawp thu a sawi chungchang chu vawiin khan UN Security Council-in a ngaihtuah a, US thutlukna hi an pawmpui lo. Puan tawh angin US-in Israel a thlawp thu a puan chungchang zirchiang tur hian nimin khan UNSC inkhawm hmanhmawh koh a lo ni tawh a, Jerusalem chu khawpui dang ang a nih loh thu leh Israel leh Palestine hruaituten inbiakna an neih hnu chauha sawi rem theih a nih avangin, US thutlukna hi an pawmpui theih loh thu UNSC member-te chuan an sawi a ni. Hemi chungchangah hian European Union pawhin Israel leh Palestine ramten an buaina an chinfel theih hma chuan Jerusalem khawpui neitu an awm thei lo nia an ngaih thu leh, tu ta maha an la ngaih theih loh thu an sawi bawk a ni. UN-a US palai, Nikki Haley chuan US-in Israel thlawp tura thutlukna siamtu, an ram President Donald Trump-a thlavang na takin a hauh a, UN chu Israel duhsak lo lui leh, Israel hawtu lian ber nia a hriat thute a sawi leh a ni.
Chanchin Thar Jerusalem chungchangah UN-in US thlawp lo
