Jharkhand-ah nupa infawh hunpui buatsaih, sorkar-in chhui chiang turin ti

0
549
views

Pathianni kal ta tlaiah khan Jharkhand-a Santhal mite hunpui, Sidho- Kanho Mela an tihah nupa infawh hunpui buatsaih a ni a, hei hian sawisel a hlawh nasat avangin Jharkhand sorkar chuan thil awm dan chhui chiang turin Pakur district thuneitute a hriattir a ni. He infawh siakah hian tuak 20 vel an tel a, Jharkhand Mukti Morcha MLA, Simon Marandi pawh a tel ve a, an thil buatsaih chu nupa inhmangaihna tipungtu tur niin a sawi a ni. He infawh intihsiaka 1-na a\anga 3-na chu lawmman, Rs 900, Rs 700 leh Rs 500 p>k an ni a. State sorkar thup>k ang hian Pakur district thuneitute chuan DSP pakhat leh Sub-divisional Magistrate chu a chhui zui turin an ruat a, he intihsiaka telte leh a buatsaihtute leh he JMM MLA hi vantlang hmaa thil mawi lo tihnaa telah puh an ni thei dawn a ni. Simon Marandi chuan an thil buatsaih hi a dik lohna a hriat loh thu a sawi a, rorel lai, BJP erawh chuan JMM MLA thil tih dan hi zahpuiawm an tih thu sawiin, hrem tur nia an ngaih thu an sawi a, eptu pawl, RJD Jharkhand President, Annupurna Devi chuan India rama tih atan chuan thil mawi lo niin a sawi.