J&K police hotu hriat hlawh tak, SP Vaid chu nimin khan a hna a\angin sawn chhuah a ni.

0
299
views

Vaid hi Director General of Prisons, Dilbagh Singh-a’n a thlak nghal a, Singh hi kum 1987 batch IPS officer a ni a, kum 2000 khan police lak chungchanga dik lo taka thil tih chungchangah a hna a\anga ban lailawk a lo ni tawh a ni. Vaid hian kar kalta khan police rukbo-te tlanchhuahna atan mi firfiak zinga tel nia hriat mi pakhat pa an man nen a inthleng pui avangin J&K Police-ah nghawng \ha lo tak tak a nei niin Home Ministry chuan a sawi a, police hotute pawh hian nghawng a neih dan tur hi an thlir lawk dik chiah lo niin a sawi bawk a ni. Vaid-a \huihruai hnai \henkhat chuan Kathua-a naupang pawngsual leh thah a nih chungchang thubuai kal zelah a chungah hian BJP pawh an lungawi lo hle niin an sawi a, Vaid erawh chuan hna insiksawi chu thil tih dan phung a nih thu leh sorkar thuneihna a nih thu a sawi a ni.