J&K Srinagar-ah mi firfiak pahnih kaphlum

0
457
views

J&K Srinagar-a Keran Nagar kawtthler-ah firfiak pawl mi pahnih kahhlum an ni. J&K DGP, SP Vaid chuan mifirfiak pahnihte nen hian dar 28 vel an inkah thu a sawi a, mifirfiak pahnihte hi nimin khan CRPF hmunpui-a luh an tum a, an hlawhchham avangin insak lai pakhatah an tawm tih a sawi a, an inkahnah hian police lamah thi leh hliam an awm loh thu te, mifirfiak pahnihte ruang pawh hi an ralthuam nen hmuh a nih tawh thu leh, Lashkaer-e-Taiba mifirfiak pawl mi an ni ngei tih an finfiah tawh thute a sawi bawk a ni. Nimin lama mi firfiakte’n CRPF hmunpui luh an tum lai pawh khan an inkap nasa hle a, sipai pakhat a thih bakah, police pakhat a hliam a ni. J&K-ah hian tunhnaiah mifirfiak pawlte an hnawk zual hle a, chawlhni khan Jammu khawpuia Sunjuwan sipai camp chu mi firfiakten an lo bei tawh a, sipai panga leh civil mi pakhat an thah bakah, mi 10 vel an hliam a, kar kalta thawhlehni pawh khan police-te hren lai mifirfiak pakhat chuan amah vengtu police a kah hnuah, a lo tlanbo tawh bawk a ni.