J&K vur tawlh-ah mi 4 thi, ramchhung hmar lam khaw vawtin hmet

0
373
views

J&K-ah vur tawlhin motor pakhat a hnawl avangin mi 4 an thi. Thuneitute chuan he thil thlenna hmun, Kupwara leh Tangdhar inkar kawngah hian police, sipai leh State Disaster Response Force tirh nghal an nih thu leh mi 3 chhanchhuah an nih tawh thu an sawi a, mi 4 an la bo niin an sawi bawk. Kupwara hmun danga vur tawlhah pawh Border Roads Organisation engineer, Mangla Prasad Singh chin hriat loha a bo hnuah hmuh a ni na a, enkawltu doctor an awm mai loh avangin boral zui nia thu dawn a ni. He thil hi nimin chawhnu lama thleng a ni a, vur a tawlh chiam avang hian motor a che thei tawh lo a, vawiin khan Sadhna Top bialah pawh motor pakhat chhung a\angin naupang pakhat chhanchhuah a ni a, bo an la awm nual bawk nia hriat a ni.
Jammu & Kashmir hi December thla a\ang khan a vawt hle a, tui khang theihna ai pawhin a vawt zawk a, December ni 30-ah khan Leh khawpuiah chuan zanah tui khang theihna hnuai lam degree 15 vel a ni.

Ram chhung hmar lam hmun dangah pawh khaw vawtin hmun zau tak a hmet mek a, Uttar Pradesh-ah mi 4 an thi tawh a, phai ram zau tak chu chhum chhah takin a tuam mup bawk a ni. Kashmir-a Gulmarg leh Pahalgam b^kah Himachal Pradesh-a hmun engemawzatah vur a tla a, Kashmir phairuama Ladakh bialah chuan a ziaawm hret a, Kargil khawpuiah chuan zan hnih chu a zawnin tui khang theihna hnuai lam degree 20 vel a ni tawh a ni. Punjab-a Amritsar te, Haryana-a Narnaul te pawh a vawt hle a, Chandigarh leh hmun dang tam takah chhum a tam avangin metre 50 aia hla a hmuh theih loh a, thlawhna thlawh dan leh lirthei ch>t vel dan pawh a buai nasa hle a ni.