JNU-a zirlaite kut thlakna a thlen hnu ni hnihna-ah lemchan thiam Deepika Padukone-in zirlaite a thlawp tih lantir nan JNU a tlawh a, hei hian sawizui a hlawh hle.

A channa film thar Chhapaak thehlar tura Delhi-a cham mek Deepika Padukone hian JNU a tlawh hian thu a sawi lo a, kutthlak tuar zirlaite zingah ngawi rengin hun engemawchen a ding a, zirlai pungkhawmte hi JNU students union president Aishe Ghosh-i’n a ho a ni. Film siamtu lar Anurag Kashyap leh Nikhil Advani te chuan deepika hi fakawm an tih thu an sawi a, mi tam takin an fak laiin, mi \henkhat chuan a channa film hi boycott tura an duh thu social mediaah an ziak a ni.