Aishe Ghosh hian Pathianni-a amah kutthlaktute hi mi 20-30 rual an ni tih sawiin, heng mite hian hmanraw chi hrang hrang hmanga an beih lai hian \awngkam bawlhhlawh tak tak an hmang tih a sawi a, police ten a thusawi an la ziah luh sak loh avangin complaint thar a thehlut leh tih a sawi.
JNU hi Pathianni khan mi 70 rual hmaituamin luhchilhin zirlaite leh zirtirtute kut an thlak a, Aishe Ghosh-i hmaia thisen kai nuai thlalak chu a darh nasa hle. Aishe Ghosh-i hian mi 20-30 rualin car hnungah hnukin, thir tlawn leh hmanraw dang hmangte in an vuak rawn tih a sawi a, amah kutthlaktute zinga hmaituam lo pakhat chu a la hre thei ang tih a sawi.
Aishe-i hian amah leh midangin kut an tawrh lai hian Gate bulah police te an awm nia sawiin, engmah ti lovin an thlir ringawt niin a sawi a, kut inthlakna a thlen hma hian BJP hnuaia zirlai pawl ABVP chuan an lo vau lawk tawh niin a sawi bawk.
Hetihlai hian Aishe Ghosh i lakah hian JNU hotute chuan thubuai an ziaklut ve bawk a ni.
