Journalist Jamal Khashoggi Istanbul-a Saudi Arabia consulate a thah a nih chungchang chhuina kal chho zelah kum 2017 khan Saudi Lal fapa Mohammed bin Salman-a’n Khashoggi hi kahhlumah a lo vau tawh tih hriat a ni a, that tura thu pe tu anih rinhlelhna a lian nghal hle.

0
404
views

American intelligence agency-te’n kum 2017-a Mohammed bin Salman-a leh a thurualpui pakhat te inbiakna an zirchiannaah Lal fapa hian Jamal Khashoggi hi Saudi Arabia-a let-a an sorkar a sawiselna chu hnuhkir loh chuan silaia kahhlum a tum thu a sawi tih an hmu chhuak a. He an inbiakna hi Lal fapa hian Khashoggi thah a tum thu tichiangtu a ni tih National Security Agency leh American spy agency te chuan an sawi a, Lal fapa-in mi a biakna leh a message thawnte hi an la zirchiang mek a ni.

Khashoggi thah a nih vanga mipui an thinur em em laiin Lalfapa nena inkungkaihna \ha tak nei US President Trump erawh chuan a mawhphurtu zawn lam hna hi a ngaihsak vak lo a, Saudi sorkar hian Jamal Khashoggi thihnaah hian an Lalfapa Mohammed bin Salman a inrawlh loh thu an sawi bawk a ni.