Kangmei laka fimkhur hapta Mizoram pumah hman a ni dawn

0
408
views

Ram tikang lo turin mitin i fimkhur ang u tih thupuia hmangin kangmei laka fimkhur hapta tun thla ni 12 a\anga ni 17 thleng Mizoram pum huapa hman a ni dawn. He thutlukna hi Mizoram State Level Fire Prevention Committee vawiina Chief Minister Conference Hall-a \hukhawm chuan a siam a, he inkhawm hi Principal Secretary, Pu Lalramthanga, PCCF ni bawkin a kaihruai a ni. He Committee hian kum danga tih \hin ang bawkin lo leh huan hal tur te chuan kumin March ni 15 hma ngeia hal vek tur a ni tih a hriattir nghal a, District hrang hranga thuneitute chu he thutlukna siam hi khauh taka kengkawh tura hriattir an ni. Ram kang ven kawnga hnathawk \ha district leh khua te endika chhinchhiahtu tur Environment & Climate Change Deptt.-in ruat se, hetah hian VC te leh tlawmngai pawlte tel se, hei hian lo hal hun ruat zawm \hat a nih leh nih loh leh a bawhchhia te pawh zawng chhuak nghal se tih a ni. State Level Fire Prevention Committee \hukhawm hian district hrang hrang leh khaw hrang hranga ramkang veng \ha te lawmman pek chhunzawm a remti a, district-ah chuan pakhatnain Rs.50,000/-, pahnihnain Rs.30,000/- leh pathumnain Rs.20,000/- a dawng thei anga, hetiang bawk hian heti zat bawk hi khaw hrang hranga ram kang veng \ha te chuan an dawng thei bawk ang. Ram kang veng tura hmalaknaah hian mipuite leh YMA thawhpui tura ngen an ni bawk. He Committee hian Aizawl khawpui chhunga veng hrang hranga mamawh thulha tui pipe lian a\anga tui lak theihna fire hydrant PHE Deptt.in a siam chu a \ul huna hman \angkai nachang inhrilhhriat a \ul thu leh a tibuai thei zawnga lirthei leh thil dang dah loh tur a ni tih inhrilhhriat a \ul thu pawh an sawi tel bawk a ni.