Avni kaphlum tura thupek chhuah hi sorkar laipui bakah, state sorkar leh sakei humhalh kawnga thuneitu sang, National Tiger Conservation Authority, NTCA-te chuan a hrang \heuhin an chhui chiang dawn a, NCTA din committee-ah hian Principal Chief Conservator of Forests, SH Patil bakah Wildlife Institue of India Bilal Habib leh Wildlife Conservation Trust President, Anish Andheria te pawh an tel dawn a ni. Puan tawh angin Avni hi mihring seh ching nia sawi a ni a, mi 13 lai a sehhlum tawh niin thuneitute chuan an sawi a, fa pahnih, thla 11-a upa a nei a, kahhlum a nih vang hian inhnialna a chhuak nasa hle a, Maharashtra Minister, Sudhir Mungatiwar leh Union Minister Maneka Gandhi te inkarah pawh inhnialna a chhuak a, party lian zual, Shiv Sena, Congress, National Congress Party leh tualchhung party, Maharashtra Navnirman Sena-te chuan sorkar an dem nasa hle bawk a ni.
