Tlabung Sub-Division Level Task Force on Mitigation of Corona Virus hmalaknaa Licheng leh Missionary Kai-a hawn belh heng screening point pahnih thutchilh tur hian, Health department-a thawkte leh department danga thawkte ruat an ni a, chawhruala ni tin enfiah zat chu mi 105 vel an ni.
Screening point-a duty-te chuan, Tlabunga kan corr. zawhna chhangin, an awmna paltlanga veivak zingah enfiah duh loa kaltlang luih tum an awm \hin niin an sawi a, chung mite zinga thenkhat chu an dinhmun enfiah tura an koh kir leh laiin, an ngenna zawm loa kaltlang lui tawk an awm niin an sawi.
Hetih lai hian, Tlabung khaw chhunga damdawi zawrhna dawr hrang hrangah chuan, tun hnai chho-ah hmai tuamna an hralh thei hle a, dawr tam zawkah phei chuan an kawl sa an hralh zawh avangin zawrh chhuah tur an nei tawh lo hial tih, Tlabunga kan corr. chuan a sawi.
