Minister bang ta leh Independent member sorkar a thlawpna hnukdawktute hian BJP an thlawp nghal a, Congress leh JDS \angdun hian an sorkar dinglai himna turin minister \anglai \henkhat chu sorkar laka hel mek MLA te tana an dinhmun kian turin an nawr mek a ni. Congress minister te chu Dy Chief Minister G Parameshwara-a’n tuk\huan kilpuiin a titipui a, tun boruak avanga US-a chawlh a hman mek pawt tawia lo thlawk haw, Chief Minister HD Kumaraswamy chuan zanlai pelh thlengin party hotute a titipui bawk.
Sorkar buainaah hian BJP chuan a inrawlh lo niin a sawi a, an hruaitu BS Yeddyurappa chuan a \ul anih chuan hmala turin an inpeih tih a sawi thung.
Nikum Karnataka Assembly inthlanah khan BJP in sorkar siam theihna khawp MLA a nei zo lo a, Congress leh JDU in sorkar in\awm an din a, hapta liamta khan Congress MLA 8 leh JDU member 3 te chuan sorkar an thlawpna an hnukdawk a ni. Congress member dangte pawhin sorkar an thlawpna an hnukdawk dawn nia sawi a awm a, heng zingah hian Ramalinga Reddy pawh hming lang zingah a tel a, JDS hian an MLa te chu resort pakhatah phurkhawmin, Paddington Resort ah room 35 an book sak a ni.
Congress chuan an MLA hel ta te hi thlawhna BJP in a charter sak hmangin Mumbai panpui an ni an ti a, Mumbai-a an thlenna hotel hi BJP hruaitute chuan an luh chilh theih laiin Congress hruaitute luh erawh an phal lo niin an sawi.
Hetianga MLA \henkhatin sorkar an thlawpna hi an hnukdawk tlang anih chuan Congress leh JDS \angdun sorkar hian member 224 awmnaa thlawptu member 118 a neih \hin chu 104 ah a tla thla dawn a, BJP chuan thlawptu member 106 a nei thei dawn tihna a ni.
