Karnataka-a Lok Sabha inthlanna neih turah Tumkur biala Prime Minister hlui H D Deve Gowda khin tuma Congress Candidate hming pekluh thuahtute chu thlem lungawi tumin Congress party in an bei chhunzawm zel.

0
170
views

Inremna siam danah Tumkur bial hi JD(S) candidate dahna tur a ni a, Thaw\anni khan Congress MP nilai SP Muddahanumegowda chuan party hming leh independent angin a hming a thehlut a, KN Rajanna, Congress hotu leh MLA hlui pawhin independent candidate angin a hming a thehlut a ni, heng mi pahnihte hian Tumkur-ah hian MLA nilai a awm laiin JD(S) party mi te kian tura an party thurel chu an pawm thei lo a ni.

Muddahanumegowda hi Congress party in MP nilai 10 a neih te zinga candidate pek nawn loh awmchhun a ni a, Tumkur-ah hian din a tum ruh hle a. Congress hotu Dinesh Gudu Rao leh Deputy Chief Minister G Parameshwara te chuan Muddahanumegowda chu a inhnukdawh ngei an rin thu leh he buaina hi sutkian mai theih a nih an rin thu an sawi. Muddahanumegowda hi Tumkur bialah a ding lui a nih chuan Congress leh JD(S) te thawhhona a tichhe thei a ni.