Karnataka CM HD Kumaraswamy-a’n CM hlui, B.S Yeddyurappa leh Gurmitkal MLA Naganagouda Kandkur-a fapa, Sharanagouda-a inbiakna audio tape a phochhuah hnuah BJP MLA Aravind Limbavali-a’n Kumaraswamy-a’n intham nan-a cheng vbc 25 a dil lai video a neih thu a puang.

0
2453
views

Kumaraswamy hian BJP state president-in Sharnagouda sum leh nihna pek tiama a thlemna audio tape pahnih a pholang a, BS Yeddyurappa hian a tirah he audio tape ami hi a nih loh thu sawi mahse, Pathianni khan Sharnagouda nen hian an inhmuh thu a nemnghet a, amaherawhchu Kumaraswamy huaihawtna hnuaia an inhmuh thu leh an thil sawiho tur pawh Kumaraswamy vek hian a hrilh thu a sawi a, an hman \angkai theih chin lain, thudik \henkhat an pholan loh thu a sawi bawk a ni.

Mahadevapura-a BJP MLA Aravind Limbavali chuan Kumaraswamy hi beiletin party-in MLC nomination an sawiho laia Kumaraswamy-a’n candidate nih beiseite hnen a\anga cheng vbc 25 a dil lai video an neih thu a puang ve thung a ni. Limbavali chuan video hi Karnataka Assembly-a pholan a nih tur thu sawiin, Speaker chu a pindan-a a en theih turin pek anih tur thu leh CM Kumaraswamy-a pawh a insawifel theih nan a duh chuan a tel ve theih tur thu a sawi. Mi \awng dan zir thiam hmangin audio record hmangin BJP chu dikloa puh an nih laiin, anni chuan video-a finfiahna an nei niin a sawi.

Audio tape-ah hian Speaker vbc 50-a an tham tawh thu an sawi tel avangin Speaker KR Ramesh Kumar chuan hemi chungchang hi endik a nih tur thu a sawi a ni.