Politics boruak \ang tak karah Congress chuan an MLA panga te bo nia sawiin, BJP chu sorkar paihthlak tuma an MLA te thlemah an puh let a ni. HD Kumaraswamy kaihhruai Karnataka Congress sorkar an thlawpna hnukdawktu Independent MLA pahnihte hi H Nagesh leh R Shankar te an ni a, heti hian Congress in thlawptu MLA a neih zat chu 118 a\angin 116 an an tla thla a, majority nei tura MLA neih ngai zat 113 chu la pel mahse, politics boruak inlumlet chho zelah congress sorkar dinhmun hi derthawng theia ngaih a ni.
Hetihlai hian BJP chuan an MLA 104 te chu Bengaluru a\anga hruai chhuak vekin Gurgaon ah an awmkhawm tir mek a ni. Dy chief Minister G Parameshwara chuan an MLA te lei tuma thlem kualah BJP chu a puh a, sorkar namthluk an tumna chu a hlawh chham a ni a ti thung.
