Karnataka Jamakhandi Assembly Constituency-a by-election neih-ah Congress candidate, Anand Siddu Nyamagouda-an hnehna an chang a, bial dang 3-ah Congress leh Janata Dal Secular \angdun an chak bawk a, bial dang, Shivamogga-ah BJP an chak ve thung a ni.

Inthlan result hi vawiin khan puan a ni a, Nyamagouda hian BJP candidate, Arikant Kulkarni aiin vote 39,480 a hmu a ni. Jamakhandi-ah hian a hma pawhin Congress chu an lo chak tawh a, May thla khan bial vawngtu MLA, Siddu Nyamagouda chu lirthei chesual-ah a thih avangin by-election hi neih a ni a, Congress candidate hi MLA thi ta Siddu Nyamagouda fapa a ni.

By-election-ah BJP in hnehna an chang lo hi Karnataka CM HD Kumaraswamy chuan hnehna niin a sawi a, Congress nena an thawk dun rei thei dawn lo nia BJP-in a lo sawi tawh chhanna \ha tak a ni a ti bawk a, kum thar lama Lok Sabha inthlan lo awm turah, Shivamogga-ah hian BJP hneh ngei an tum thu a sawi bawk a ni.