Karnataka lung-in thuneitute’n Sasikala chu a pasal damlo tlawh turin ni nga an chhuah lailawk dawn

0
414
views

Pawisa ei ruk leh chhehrelh avanga lung-in tang mek, VK Sasikala chu Karnataka lung-in thuneitute’n a pasal damlo tlawh turin ni nga an chhuah lailawk dawn. Puan tawh angin Sasikala pasal, kum 74 mi, M Natarajan-a hi kal leh thin lam \ha lo avangin Chennai damdawiinah enkawl mek a ni a, Thawhlehni zan a\ang khan a kal leh a thin thlak nan darkar 7 leh a chanve chhung zai a ni a, hma a sawn hret niin Global Hospitals hotuten an sawi. Bengaluru tan-in hotute chuan Sasikala pasal hi a dam loh ngei thu, Chennai lam hotute hnen a\anga an dawn hnuah, chhuah lailawk a dilna hi an ngaihtuah nghal a, a chenna in leh damdawiin bak kal phalsak a nih loh thu an sawi bawk. Sasikala hian naktuk, Inrinni tlaiah, a tupa, TTV Dinakaran nen Chennai hi an pan nghal rin a ni.