Karnataka sorkar-in an state chhunga petrol leh diesel man cheng 2-in a tihniam.

0
384
views

 

State CM Kumaraswamy chuan an state mipuite’n a party kaihhruai \angrual sorkar-in tuialthei man a tihhniam theih an beisei chu an tih tura a ngaih thu leh cheng 2-a a man tihhniam a ni ta chu mipuite tan malsawmna a tlin ngei a beisei thu a sawi bawk a ni.

Puan tawh angin tunhnaiah tuialthei man a sang nasa hle a, Maharashtra hmun \henkhatah phei chuan petrol litre khatin cheng 90 a pel tawh a, a tlawmna ber Andaman and Nicobar-ah chuan petrol litre khatah cheng 70.61 a ni mek bawk a, Aizawl-ah chuan litre khatah cheng 77.88 a ni thung a, state sorkar zingah Rajasthan, Andhra Pradesh, West Bengal leh Karnataka-te chuan tuialhthei man hi an tihniam tawh a, tuialhthei hi khawvel huapa a man azirin tihdanglam a ni \hin a, a man piah lamah hian Sorkar laipui leh State sorkar-in chhiah an la ve ve a, a hralhna man tihniam tur hian lakluh a nih laia chawi \hin Excise Duty tihhniam a ngai a – hei hi kalpui a nih chuan Sorkar laipui leh State sorkar-a chhiah lut zat a tlem ve leh thung \hin a ni.