Tun hnaia Central YMA nen an thawhhona chungchang thlirletna an neihah Pu K Lalsawmvela chuan, thingtlang khua, kawngin a la pawh loh khaw 235 chu PMGSY hmanga siam tura ruahman a ni a ti a, heng zinga khaw 157 chu kawngpui siam sak an ni tawh tih a sawi a, khaw 141 te kawngpuiin a pawh theih nan hna thawh mek a ni a ti. Pu K Lalsawmvela chuan, PMGSY scheme II hmanga hnathawh turin tender chhuah a nih thu a sawi a, kawng thlan bik 6-a KM 195-ah bul \an tum a nih thu a sawi a, agreement an peihfel hunah PMGSY 3 kalpui leh tum a nih thu a sawi.
Pu K lalsawmvela chuan, PMGSY 3 hnuaiah kawngpui KM 500 siam na tur a hnathawh pawh sorkar laipuiin an phal sak tawh mahse an duhkhawp loh avangin an dil belh dawn tih a sawi a, kawng awmsa tihchangtlunna tur te a tel dawn a ni a ti. Pu K Lalsawmvela chuan, PWD in hnathawh tur tam tak an neih te chu thawktu lam an indaih loh avangin harsatana an tawk tih a sawi a, hemi avanga an hnathawhna hmunah viltu an awm lo tia an sawi pawh an phat loh thu sawiin tundinhmunah asst. Engineer direct a lak chin hmun ruak 28 a awm thu te, JE leh SA 128 vel hnawhkhah loh a awm thu te a sawi a, heng post ruak tam zawk hnawhkhah hi sorkarin a remti tawh tih a sawi.
