Kendriya Vidyalaya-a tawngtai hla, sakhaw theh darh tumna a nih leh nih loh sawifiah turin SC-in sorkar laipui hrilh

0
454
views

Sorkar laipui sikul, Kendriya Vidyalaya-a \awng\ai hla chu Hindu sakhaw theh darh tumna a nih leh nih loh sawi fiah turin Supreme Court-in sorkar laipui a hrilh. Hemi chungchangah hian Madhya Pradesh-a mi, Veenayak Shah-a’n PIL a thehl<t a, a sawi dan chuan, Kendriya Vidyalaya-a zirlaite chu, eng sakhaw ve mi pawh ni se, zinga an inkhawmnaah Hindu sakhaw \awng\aina hla sawi luihtir an ni a, sorkar zirna inah sakhaw mal inzirtirna chawi lar bik a nih bakah, hengte hi sorkar sikulah chuan tih loh tur niin a sawi. Chu bakah he \awng\ainaah hian harsatna a lo thlena huaisen taka hmachhawn tumna lam aiin, harsatna laka him tumna leh bihr<kna lam inzirtir a nih avangin, naupang nun kal zel atan a \ha lo niin a sawi bawk. Supreme Court-a Justice R F Nariman leh Navin Sinha-a awmna bench chuan, hemi chungchang hi a ngaihtuah a, sorkar laipui leh Kendriya Vidyalaya hotute chu thil awm dan sawifiah turin a ti a ni. PIL thehluttu chuan, hetianga in\awng\ai luihtir hi ram danpui kalh nia sawiin, tihtawp nghal tur niin a sawi a, ram danpui Article 28-naah sorkar suma enkawl zirna inah sakhaw lam thila inkaihhruaina rawlh loh tur tih chu chiang taka a kal avangin, Kendriya Vidyalaya sikulah chuan tihtawp tur niin a sawi a ni. Kum 50 deuhthaw chhung chu Human Resource Development Ministry hnuaia sorkar laipui sikul, Kendriya Vidyalaya hi a lo ding tawh a, tunah hian sikul 1,125 an nei a, uniform leh zirlai thuhmun vek an hmang a, khawvela zirna huam zau ber pakhat a ni. Nikum November thlaah khan Indian Express chuan, Kendriya Vidyalaya school principal-te chu Hardwar-a pawl pakhat, India ram hnam leh ziarang chungchang fiah \hinte pui tura tih an ni tawh bawk niin a sawi.