Kenya President atan Uhuru Kenyatta lakluh leh a ni

0
430
views

Uhuru Kenyatta chu Kenya President atan lak luh a ni leh ta a, Nairobi-a President thar lak luhna inkhawmah hian eptu pawlte chu an tel duh lo a ni. Uhuru Kenyatta hi a hmain President a lo ni tawh a, tunah hian a term hnihna atan lak luh a ni leh ta a ni. Eptu hruaitu, Raila Odinga chuan President thar thlanna hi nasa taka tihchingpen niin a sawi a, Kenyatta hi thla hlui ni 26-a inthlanah khan vote za zela 98 hmu-a puan a ni a, mahse mipui zaa 39 vel chauhin vote an thlak a ni. August ni 8 khan President thar thlang tur hian mipuiten vote an thlak tawh a, mahse thil fel lo tam tak a awm nia ngaiin Supreme Court-in a hnawl a, thla hmasa ni 26 khan vote an thlak \ha leh a ni. Kenya President lak luhnaah hian Ethiopia PM, Hailemariam Desalegn leh Rwanda President, Paul Kagame pawh an tel a, Africa ram hruaitu \henkhat an tel bawk.