Puan tawh angin chhim lam state-ah hian nilaini a\ang khan nasa takin ruah a sur tawh a, tui nasa taka a len zui avangin mi 54,000 vel chu chenna mumal nei lovin an awm mek a, thuneitute chuan Relief Camp 500 an siam tawh thu an sawi a, chhanchhuah hna thawk tur leh hmun hlauhawma la awmte thiar chhuak turin sipai \hahnem tak an tirh chhuah thu an sawi bawk a ni. Ruah sur hian tui a tih len bakah lei a ti min nasa hle a, mi 29 thi zinga 25 hi leimin vanga thi an ni a, 4 hi tuiliana thi an ni bawk a ni.
State sorkar hian tuikhuah tam zawk a luanliam tawh avangin, tui sah a ngai tih an puang bawk a, hei hian lui eng emaw zat a tih len belh dawn avangin lui dunga chengte leh khua awmte pawh inralring turin vawiin khan a hriattir leh a ni.
