Kerala ah ruahsur nasa avanga leimin vangin mi 20 an thi a, Kochi tumhmun atanga thlawhna thlawk chhuak tur leh tum turte pawh tih tawp lailawk vek a ni.

0
527
views

 

Idukki tuikhuah kharna tuilianin a nawr hawn avangin thlawhna \umhmun ah hian tui a len mai hlauhthawn a ni. Mitthi zinga 11 te hi Idukki district chhunga mi an ni a, paruk chu Malappuram, pahnih chu Kozhikode leh pakhat chu Wayanad district mi an ni a, Palakkad, Wayanad leh Kozhikode ah te mi \hahnem tak chin hriat lovin an awm mek bawk. Tuilian vanga harsatna tawkte tawm lailawkna tur hmun pahnih ruahman fel a ni tawh a, Idukki Adimali khuaah chhungkaw pakhata mi 5 in nun an chan a, mi pahnih chu tualchhung mi ten in chim kar a\angin an chhanchhuak a ni.

State chhung hmun hniam zual laiah te tuilianin khawsak phung a ti khaihlak nasa hle a, National Disaster Response Force chu Kozhikode ah tirhluh an ni tawh a, Kerala hmar lama chhanchhuah hna thawk turin team dang pahnih chah leh mek an ni.

Chief Minister Pinaryai Vijayan chuan Army, Navy leh NDRF te puihna dil a nih thu a sawi a, Navy te hi tuilian avanga tangkhang te chhanchhuak tura beisei an ni tih a sawi.