Kerala party hrang hrang aiawhte’n vawiin khan Union Home Minister Rajnath Singh an hmu a, tuilian vanga harsatna tawkte chhawmdawlna tur sum pek belh tur leh ram pawn lam atanga tanpui dawn phalsak turin an ngen.

0
401
views

Home Minister hmutute hi MP 11 an ni a, an zingah hian Congress, CPI-M, RSP, Kerala Congress (Mani) leh independent MP te pawh an tel a, Defence Minister hlui, AK Antony chuan party hrang hrang mah ni se, Kerala tung ding leh turin an inthurual a, sum tam zawk an mamawh avangin \anpuina pek belh tur leh ram pawn lam a\anga \anpuina sum dawn khapna thupek hlih an dil tih a sawi a, Rajnath Singh hian External Affairs Minister Sushma Swaraj lo biak a tiam tih a sawi bawk a ni. Puan tawh angin Kerala tuilian tuarte chhawmdawlna atan hian sorkar laipui chuan cheng vbc 600 a lo dah hrang tawh a, mahse kum 2004-a UPA kaihhruai sorkar laipuiin thu a lo tih tluk tawh angin, khuarel chhiatna thil thleng vanga ram pawn lam a\anga \anpuina sum dawn a remti lo thung a ni.