Kerala Sabarimala Temple hmeichhiate tlawh theih tura hawn a nih vanga buaina kal zelah, Rashtriya Swayamsevak Sangh RSS hotupa, Mohan Bhagwat chuan Supreme Court-in thutlukna a siam lai hian kalphung awm sa, hmeichhiate ngei pawhin an pawm chu a palzut niin a sawi.

0
628
views

 

Puan tawh angin Supreme Court thupek angin Sabarimala hi nimin khan hmeichhiate tlawh theih tura hawn a ni a, temple awmna tlang bul\hut-ah a dodaltu mi \hahnem tak an pungkhawm a, hmeichhiate kaltlang an phal lo a, hmeichhe chanchinbumi eng emaw zat kut thlak an ni bawk a, Republic TV a athawk Pooja Prasanna chu tianga vuak a ni a, Saritha S Balan The News Minute-a thawk chu a hnungzangah kutthlak a ni bawk a, TV news thlalatu dangte pawh insaseng luih tir an nih bakah an video camera te an laksak a ni a, tukin thleng khan New York Times lama thawk hmeichhe chanchinbumi, he temple tlawh tum chu luhtlang phal a la ni lo a ni. Pungkhawmte hi police-te nen an innek buai zui a, Kerala Police hotupa, Loknath Behra chuan Sabarimala tlawh tum tumah dan an nih loh tur thu vawiin khan a sawi a, buaina chhuak thei veng turin police 1000 vel tirh belh an nih tawh thu a sawi bawk a ni.