Kerala Sabarimala Temple tlawh tum hmeichhe pakhat Trupti Desai chuan vawiin khan Kerala a thleng a, mi \hahnem tak pungkhawmin an lo dan avangin \umhmun a chhuahsan thei lo.

0
468
views

 

Sabarimala Temple hi tlai lam dar 5 khan hawn a ni a, Trupti Desai leh a thurualpui mi paruk chuan Pune a\angin thlawhna-in Kerala hi an pan a, mahse Ayyappa betute leh tualchhung BJP hruaitute chuan an lo dang a, kal tlang tir an tum loh thu an sawi a, Sabarimala Temple-a hmeichhe kum 10 leh kum 50 inkar luh phallohna dan, kum 100 chuang an lo vawn tawh chu bawhchhiat an remti lo tih an sawi a, Desai leh a \hiante hian Sabarimala Temple-a \awng\ai tak tak an tum loh thu leh buaina chawh chhuah tum an nih zawk thu an sawi bawk a ni. Desai hi temple hrang hranga hmeichhe luh khapna dan beitu langsar tak a ni a, Shani Shingnapur temple, Haji Ali Dargah, Mahalakshmi Temple leh Trimbakeshwar Shiva Temple-a hmeichhia luh khapna dante pawh nasa takin a lo dodal tawh \hin a, Kerala a pan hma hian state CM Minister Pinarayi Vijayan hnenah venhimna a lo dil tawh a ni.