Kerala tuilian avanga mitthi zat chu 265 an tling chho tawh a, chin hriat lova bo mi 36 an la awm mek bawk.

0
530
views

 

Tlangram Idukki district chu a tuar nasa ber a ni a, mi 51 an thih bakah midang 10 chin hriat loa bo an la awm tih Disaster Management State Control Room chuan a tarlang a ni. Idukki District hi thingpui chinna hmun hmingthang, khualzinte tlawh nasat \hin a ni a, he district ah hian kawlphetha siam chhuahna tuikhuah \hahnem tak a awm a, tuikhuahte hi a kuang luangliamin nasa takin tui a ti lian a ni. Tun dinhmunah tuilian hi kam tawh mahse, tawm lailawkna tura buatsaih relief camp hrang hrang 2287 ah mi nuai 8 sing 6 sang 9 zet an la awm a, Kerala kut pawimawh Onam pawh mipuiten an lawm mumal thei lo a ni. An chenna in-a let leh tawh chhungkaw tam tak chu chirh leh bawlhhlawh dang tifaiin an buai hle a ni. Kerala Sorkar chuan tuilian tuartu chhungkaw nuai 3 sing 9 sang 1 te bank account ah cheng sing 1 \heuh tun sak nghal an nih tur thu a sawi a, Chief Minister’s Disaster Relief Fund a\angin cheng vbc 242 nuai 73 ruahman a ni.