Kerala tuilianin chhiatna a thlen belh zel a, tuilian kaihhnawiha thi zat chu 73 an tling chho tawh a, Prime Minister chuan harsatna tawkte awm lailawkna tur leh tanpui ngaite tanpuina hmun tur relief & rescue operation din turin Defence Ministry a hriattir.

0
503
views

 

Leiminin hmun hrang hrangah chhiatna a thlen a, Kerala state laili-a district tam tak chu tuilianin a chim avangin mipuiten harsatna nasa tak an tawk a, mi 17 an thih belh leh hnuah tuilian kaihhnawiha thi zat hi 73 an tling tawh a, District 14 ah te chu chhiatna tuar nasa zuala puan an ni a, state pumah zirna in zawng zawng te pawh khar vek a ni a, mi sang tel chu an chenna hmun a\angin an tawmhimna tur hmun buatsaihah insawn tir an ni. MeT dept chuan Inrinni thleng khian ruah leh thli la thawk chhunzawm zel turin an hmu lawk a, Prime Minister Narendra Modi chuan Chief Minister Pinarayi Vijayan chu tukin khan be pawpin hmalak dan tur a sawipui a, Central sorkar chuan a tul apiangah Kerala sorkar chu puih a inhuam thu a sawi a, Cabinet Secretary hovin mipawimawhte \hutkhawm hmanhmawh koh nghal a ni bawk. Army, Airforce, Navy, Coast Guard leh NDRF ten tanpui ngaite tanpui hna an thawk mek a, eitur leh tui thianghlim in turte pawh Kerala ah hian thawn luh mek a ni.